చెన్నై చంద్రంగా పేరుగాంచిన హీరోయిన్ త్రిష. ఒకపుడు టాలీవుడ్‌లో స్టార్ హీరోయిన్. కానీ, అవకాశాలు తగ్గిపోవడంతో చెన్నైకే పరిమితమైంది. పైగా, ఒకటి రెండు చిత్రాల్లో నటిస్తూ కనిపిస్తోంది. కోలీవుడ్‌లో మాత్రం రాణిస్తున్నప్పటికీ.. టాలీవుడ్‌లో మాత్రం కనిపించలేదు. ఈ క్రమంలో ఈమెకు మెగా ఆఫర్ వరించనుంది.
ఈ క్రమంలో మెగాస్టార్ చిరంజీవి సైరా నరసింహా రెడ్డి చిత్రం తర్వాత కొరటాల శివ దర్శకత్వంలో నటించనున్నారు. ఈ చిత్రంలో హీరోయిన్ కోసం పలువురి పేర్లను పరిశీలించారు. ఈ జాబితాలో అనుష్క, శృతిహాసన్, నయనతార, కాజల్ అగర్వాల్, త్రిష అలా అనేక మంది పేర్లు పరిశీలించినప్పటికీ.. చివరకు ఆ ఆఫర్ చెన్నై చంద్రానికి దక్కినట్టు వార్తలు వస్తున్నాయి.
కాగా, త్రిష చివరగా "96", 'పేట' చిత్రాలు మంచి విజ‌యం సాధించ‌డంతో ఆమెకి కోలీవుడ్‌లో వ‌రుస ఆఫ‌ర్స్ వస్తున్నాయి. ప్ర‌స్తుతం ఆమె కిట్టీలో అర‌డ‌జ‌నుకి పైగా ప్రాజెక్ట్‌లు ఉన్నాయ‌ని సమాచారం. మురుగ‌దాస్ శిష్యుడు శ‌ర‌వ‌ణ‌న్ దర్శకత్వంలో త్రిష ప్ర‌స్తుతం క్రేజీ ప్రాజెక్ట్ చేస్తుంది. ఈ చిత్రానికి 'రాంగి' అనే టైటిల్‌ను ఖరారు చేశారు.
