పవర్ స్టార్ పవన్ కళ్యాణ్ నటిస్తున్న తాజా చిత్రం వకీల్ సాబ్. ఈ చిత్రం వచ్చే నెల 9వ తేదీన విడుదల కానుంది. బాలీవుడ్ చిత్రం పింకీకి రీమేక్. వేణు శ్రీరామ్ దర్శకత్వం వహించగా, దిల్ రాజు, బోనీ కపూర్‌లు సంయుక్తంగా నిర్మించారు. ఈ సినిమాపై ఇప్పటికే భారీ అంచనాలు నెలకొన్నాయి. పవన్‌కు ఉన్న ఫాలోయింగ్ వల్ల ఇప్పటికే ఈ చిత్రం భారీగా ప్రీరిలీజ్ బిజినెస్ చేసినట్టు సమాచారం.
దీనికి సంబంధించి ఇరు రాష్ట్ర ప్రభుత్వాలు ఇప్పటికే జీవోలను జారీ చేశాయి. దీంతో టికెట్ ధర రూ.300 నుంచి రూ.500 మధ్య ఉండవచ్చని తెలుస్తోంది. అదేసమయంలో కరోనా నిబంధనలు, మార్గదర్శకాలకు లోబడి ఈ చిత్రం బెన్ఫిట్ షోలను వేయనున్నారు.
