యంగ్ హీరో నాగశౌర్య, రీతూ వర్మ కాంబినేషన్‌లో తెరకెక్కిన చిత్రం ‘వరుడు కావలెను’. తాజాగా మరో సినిమా విడుదల తేదీని మూవీ మేకర్స్ ప్రకటించారు. ఈ మూవీని అక్టోబ‌ర్ 15న విడుదల చేస్తున్నట్లు చిత్రయూనిట్ వెల్లడించింది.
కొత్త దర్శకురాలు లక్ష్మీ సౌజన్య రూపిందించిన ఈ సినిమా టీజర్, పాటలు ప్రేక్షకులను ఆకట్టుకున్నాయి. డీవీ ప్రసాద్‌ సమర్పణలో సితార ఎంటర్‌టైన్‌మెంట్స్‌ పతాకంపై సూర్య దేవర నాగవంశీ నిర్మిస్తున్న ఈ సినిమాపై ప్రేక్షకుల్లో మంచి అంచనాలు ఉన్నాయి.
ముఖ్యంగా వచ్చే నెలలో దసరా కానుకగా విడుదలై ప్రేక్షకులను అలరించేందుకు తెలుగు సినిమాలు వచ్చేస్తున్నాయి. ఇప్పటికే పలు సినిమాలు విడుదల తేదీలను ప్రకటించాయి. ఇందులోభాగంగా, ఈ చిత్రం విడుదల తేదీని కూడా ప్రకటించారు.
