న‌టుడు విశాల్ కంటికి గాయాల‌య్యాయి. ఆయ‌న కొత్త‌గా విశాల్ ఫిలిం ఫ్యాక్ట‌రీ ప‌తాకంపై రూపొందిస్తున్న చిత్రం `నాట్ ఎ కామ‌న్‌మేన్‌`. విశాల్ కిది 31వ సినిమా. ఈ సినిమా షూటింగ్ రామోజీ ఫిలింసిటీలో జ‌రుగుతోంది. అక్క‌డ చిన్న‌పాటి హోట‌ల్‌లో రౌడీల‌తో యాక్ష‌న్ స‌న్నివేశాల‌ను చిత్రీక‌రిస్తున్నారు. విశాల్ రౌడీల‌ను ఫైట్ చేస్తుండ‌గానే వెన‌క నుంచి ఓ రౌడీ వ‌చ్చి త‌ల వెనుక షోడా బాటిల్‌తో కొడ‌తాడు. గాజు ముక్క‌లుగా అయిపోతుంది. అందుకు రియాక్ష‌న్ బాగా ఇచ్చాడు విశాల్. ఆ త‌ర్వాత ఆ వ్య‌క్తే స‌గం ప‌గిలిన బాటిల్ వెన‌క్కు వెళుతూ విసిరేస్తాడు. అది క‌రెక్ట్‌గా వ‌చ్చి విశాల్ ఎడ‌మ కంటిపై త‌గిలింది. దాంతో హ‌ఠాత్ ప‌రిణామాన్ని ఖంగు తిన్న విశాల్, అక్క‌డి రౌడీలు కంగారు ప‌డ్డారు. యాక్ష‌న్ ద‌ర్శ‌కుడు ర‌వివ‌ర్మ క‌ట్ చెప్పాడు. కాసేపు బ్రేక్ ఇచ్చారు. కంటిలో గాజు సులుసులు ప‌డ‌కుండా త‌గు జాగ్ర‌త్త‌ల‌తో వాటిని పిచికారీ చేశారు. వెంట‌నే అందుబాటులో వున్న డాక్ట‌ర్ కూడా విశాల్‌ను ప‌రీక్షించారు.
