తాజాగా ఈ చిత్రం షూటింగ్‌ను పూర్తి చేసుకుని పోస్ట్ ప్రొడక్షన్ పనులు జరుపుకుంటుంది. అక్షయ్ కుమార్ - అశ్విన్ వర్దే కలిసి నిర్మించిన ఈ సినిమాకి అమిత్ రాయ్ దర్శకత్వం వహించాడు. "ఓ మై గాడ్"లో పరేశ్ రావల్ ముఖ్యమైన పాత్రలో కనిపిస్తే ఈ సినిమాలో పంకజ్ త్రిపాఠి కీలకమైన పాత్రలో కనిపించనున్నాడు. కొంతసేపటికి క్రితం ఈ సినిమా నుంచి టీజర్ను రిలీజ్ చేశారు.
"ఈశ్వరుడికి ఆస్తికుడి.. నాస్తికుడు అనే భేదం లేదు. ఆయన అందరినీ సమానంగా చూస్తాడు. శరణాగతి చేసినవారిని తప్పక రక్షిస్తాడు" అనే కాన్సెప్టుతో ఈ సినిమా రూపొందించినట్టుగా తెలుస్తుంది. యామీ గౌతమ్ ముఖ్యమైన పాత్రను పోషించిన ఈ సినిమాను, ఆగస్టు 11వ తేదీన విడుదలకానుంది.
