అయితే ప్రశాంత్ కిషోర్ బీహార్ రాజకీయాలను ఎపిలోకి తీసుకురావాలని చూస్తున్నారు. అది ఇక్కడ సాధ్యం కాదని ఎద్దేవా కూడా చేశారు. కానీ వైసిపి భారీ విజయం సాధించడం.. ఆ తరువాత మొత్తం క్రెడిట్ అంతా ప్రశాంత్ కిషోర్‌కు వెళ్ళిపోయింది. ఈసారి ఎన్నికల్లో మాత్రం ఎట్టి పరిస్థితుల్లో ప్రశాంత్ కిషోర్ లాంటి వ్యక్తినే సలహాదారుడిగా పెట్టుకోవాలని నిర్ణయించేసుకున్నారట చంద్రబాబునాయుడు.
ప్రస్తుతానికి అయితే సంప్రదింపులు మాత్రమే జరిపారట. కానీ రాబిన్ శర్మ మాత్రం ఒక నిర్ణయానికి రాలేదట. చంద్రబాబు నిర్ణయంపై మాత్రం తెలుగుదేశం పార్టీ సీనియర్ నేతలు అభ్యంతరం వ్యక్తం చేస్తున్నారట. ఎపిలో అతిపెద్ద పార్టీ తెలుగుదేశం. ఆ పార్టీకి రాజకీయ సలహాదారులు ఎందుకని ప్రశ్నిస్తున్నారట. అయితే ఈసారి పార్టీ గెలుపొందాలంటే ఇలాంటి వ్యక్తులు అవసరమన్న అభిప్రాయంలో ఉన్నారట చంద్రబాబు. ఇదే విషయాన్ని పార్టీ సీనియర్లకు చెప్పే ప్రయత్నం చేయబోతున్నారట. మరి ఏం జరుగుతుందో చూడాలి.
