డిప్యూటీ సీఎం పాముల పుష్పశ్రీవాణి అదిరిపోయే స్టెప్పులేశారు. గిరిజన సంక్షేమ గురుకుల పాఠశాల విద్యార్థులు నృత్యప్రదర్శనతో ఆమె కలిపి నృత్యం చేశారు. ఈ సందర్భంగా విద్యార్థినులు డిప్యూటీ సీఎంను డ్యాన్స్ చేయాల్సిందిగా పట్టుబట్టారు. డిప్యూటీ సీఎం పుష్పశ్రీవాణి విద్యార్థినులతో కలిసి నృత్యం చేశారు. ఒక పదినిమిషాలపాటు నృత్యం చేసి విద్యార్థుల్లో ఆనందం నింపారు.
విశాఖ, మారిక వలసలో గురుకుల ఇంగ్లీష్ మీడియం పాఠశాలలో ఏర్పాటు చేసిన రాష్ట్ర స్థాయి ఎగ్జిబిషన్‌ను ఆమె ప్రారంభించారు. ఈ సందర్భంగా సాంస్కృతిక నృత్యాలు చేస్తున్న విద్యార్థినులతో పాటు స్టెప్పులేశారు. ఈ సందర్భంగా విద్యార్థులు డిప్యూటీ సీఎంకు కృతజ్ఞతలు తెలియజేశారు. ప్రస్తుతం డిప్యూటీ సీఎం సాంస్కృతిక నృత్యం చేసిన వీడియో నెట్టింట వైరల్ అవుతోంది.
