'గే' వరుడు కోసం స్వయంవరం.. టీవీ షోలో సంచలనం

దేశంలో స్వలింగ సంపర్కం నేరం కాదంటూ సుప్రీంకోర్టు తీర్పునిచ్చింది. ఈ తరహా శృంగారాన్ని నేరంగా పరిగణించే సెక్షన్‌ను అపెక్స్ కోర్టు కొట్టివేసింది. దీంతో స్వలింగ సంపర్కులు పండగ చేసుకున్నారు. ఈ తీర్పుతో కొందరు స్వలింగ సంపర్కులు వివాహం చేసుకునేందుకు సిద్ధమవుతున్నారు.

ఈ నేపథ్యంలో భారత టెలివిజన్ రంగంలో సంచలనం నమోదు కాబోతోంది. హిందీ బిగ్‌బాస్ సీజన్-11 కంటెస్టెంట్ సవ్యసాచి సత్పతి ప్రపంచాన్ని తనవైపు తిప్పుకునే షో‌తో టీవీ తెరపై కనిపించనున్నాడు. సరైన 'గే వరుడి'ని ఎంచుకునేందుకు ఓ టీవీ చానల్‌లో 'స్వయంవరం' షోను నిర్వహించనున్నాడు.

గతంలో బాలీవుడ్ నటి రాఖీ సావంత్ కూడా అందమైన వరుడు కోసం స్వయంవరం పేరుతో ఓ షో నిర్వహించింది. కానీ, ఇపుడు నిర్వహించేది సంచలనంగా మారనుంది. ఇది పూర్తిగా స్వలింగ సంపర్కుల కోసం ఉద్దేశించింది. షోలో పాల్గొన్న వారి నుంచి సవ్యసాచి తనకు నచ్చిన వరుడిని ఎంచుకోనున్నాడు. ఈ విషయాన్ని సవ్యసాచి నిర్ధారించాడు. స్వయంవరం నిజమేనని, ఇందుకోసం ప్రొడక్షన్ హౌస్‌లు, టీవీ చానళ్లతో చర్చలు జరుపుతున్నట్టు తెలిపాడు.