ఇటీవల "అంబేద్కర్ అండ్ మోడీ - ఫీర్మ్స్ ఐడియాస్, ఫెర్ఫార్మర్స్ ఇంప్లిమెంటేషన్" అనే పుస్తకానికి ఇళయరాజా ముందుమాట రాశారు. ఇందులో అంబేద్కర్ ఆశయాలను ప్రధాని మోడీ నెరవేర్చుతున్నారంటూ వ్యాఖ్యానించారు. పైగా, అంబేద్కర్ జీవించివుంటే ప్రధాని మోడీని చూసి గర్వపడేవారంటూ కితాబిచ్చారు.
ఈ వ్యాఖ్యలు ఓ వర్గానికి తీవ్ర ఆగ్రహం తెప్పించాయి. తమిళనాడులోని బీజేపీ మినహా అన్ని రాజకీయ పార్టీలు ఇళయరాజాపై దుమ్మెత్తి పోశాయి. బీజేపీ శ్రేణులకు మాత్రం మరింత ఉత్తేజాన్ని కల్పించాయి. ఈ నేపథ్యంలోనే ఇళయరాజాను రాజ్యసభకు నామినేట్ చేసేందుకు కేంద్ర ప్రభుత్వం సిద్ధమైందన్న వార్తలు సోషల్ మీడియాలో హల్చల్ చేస్తున్నాయి.
