పాపాయిలు మెలకువగా ఉన్నంతసేపూ వాళ్లు ఏడవకుండా చూస్తుంటాం. కానీ పాపాయిలు తమకున్న అసౌకర్యాన్నీ, మరేదైనా ఇబ్బందినీ ఏడుపు ద్వారానే తెలియజేస్తారు. అలాంటప్పుడు వెంటనే ఏదో ఒక విధంగా ఊరడించే ప్రయత్నం చేయడం కన్నా కారణం తెలుసుకోవాలి.
చాలామంది తల్లిదండ్రులు పాపాయిల నోటి ఆరోగ్యం గురించి పెద్దగా పట్టించుకోరు. అదే భవిష్యత్లో పళ్ల సమస్యలకు దారితీస్తుంది. అందుకే వాళ్లకు పళ్లు లేకపోయినా కూడా ప్రతీ రోజూ నోటిని శుభ్రపరచాలి. వేళ్లతోనే చిగుళ్లను రుద్ది, నోరు కడగాలి. ఆ తర్వాతే పాలు పట్టాలి. ఏడాది వచ్చాక మెత్తని టూత్బ్రష్ని వాడటం తప్పనిసరి అని చైల్డ్ కేర్ నిపుణులు సలహా ఇస్తున్నారు.
