ఆడదాని మనసు గెలుచుకోవడం.... అంత సులభం కాదు. యుద్ధంలో గెలిచినోడికీ ఆడదాని మనసును సొంతం చేసుకోవడం అంత సులువు కాదని ఎన్నో సర్వేలు తేల్చాయి. అయితే ఈ టిప్స్ పాటిస్తే మాత్రం.. మహిళల మనస్సు గెలుచుకోవడం సులభం అవుతుందని సర్వేలో వెల్లడైంది. ముఖ్యంగా.. భార్య, లేదా ప్రియురాలు మనసు గెలుచుకోవాలంటే ఆమెను ఎప్పుడు సంతోషపెడుతూ ఉండాలి.
ఆమె చేసే ప్రతి పనిని ప్రోత్సహిస్తూ.. ఆమెను పొగడ్తలతో ముంచెత్తాలి. అలా అని ఎప్పుడూ పొగుడ్తూ వుండకండి. కాస్త ఓవరైతే విసుగొచ్చేస్తుంది. అంతేగాకుండా తనను పడేసేందుకే ఇలా చేస్తున్నాడనే అనుమానమూ రాక తప్పదు. అందుకే సమయానుసారంగా, సందర్భానికి అనుసారంగా పొగుడుతూ ఉండాలి. అప్పటికప్పుడు సర్ప్రైజ్ చేస్తూ.. తప్పులను నాజూగ్గా ఎత్తిచూపాలి.