గృహిణిలు వర్సెస్ వర్కింగ్ ఉమెన్...

గృహిణిలు వర్సెస్ వర్కింగ్ ఉమెన్... వీరిద్దరికీ ఉన్న వ్యత్యాసం ఏంటి అని అడిగితే.. రోజంతా పనుల్లో మునిగిపోయే గృహిణిలు పిల్లల పెంపకానికి కాసేపు మాత్రమే గడపగలుగుతారని, పూర్తిగా టైమ్ టేబుల్ ప్రకారం పని చేసుకుపోవడం వల్ల పిల్లల్ని చూసుకోవడం కూడా ఓ పనిగానే పెట్టుకుంటారని నిపుణులు అంటున్నారు. 

అదే వర్కింగ్ ఉమెన్ అయితే పిల్లలకు దూరమైనా వారితో గడిపే కాసేపు ఆనందంగా గడుపుతున్నారని తాజా అధ్యయనంలో తేలింది. ఉండే సమయంలో చకచకా పనులంతా ముగించుకుని పిల్లల ఆలనా పాలనా చూసుకుంటూ హాయిగా గడిపేస్తున్నారని పరిశోధనలు తేల్చాయి. అదే గృహిణులైతే ఒత్తిడికి గురవుతున్నారని వారు అంటున్నారు. 

ఇకపోతే.. నేటి రోజుల్లో వాస్తవాల్లోకి వెళ్తే గృహిణిలు కన్నా ఆఫీసు కెళ్లి పని చేసే ఉద్యోగినులు ఆనందంగా గడుపుతున్నట్లు అధ్యయనాలు తేల్చేశాయి. ఒక రోజులో పూర్తిగా ఇంటి పనిలో నిమగ్నమయ్యే మహిళల కన్నా... ఆఫీసు కెళ్లే మహిళలే సంతృప్తికర జీవితాన్ని గడుపుతున్నట్లు అధ్యయనంలో వెల్లడైంది. 

దీంతో ఇంటిలో ఉండే మహిళలు పిల్లలతో కాలక్షేపం చేస్తూ సంతోష జీవితాన్ని గడుపుతున్నారనుకుంటున్నారనే అభిప్రాయాన్ని అధ్యయనాలు పూర్తిగా మార్చేస్తున్నాయని పరిశోధకులు వెల్లడిస్తున్నారు.