కామన్వెల్త్ గేమ్స్‌లో భారత బ్యాడ్మింటన్ క్రీడాకారులు ముందడుగు వేస్తున్నారు. బ్యాడ్మింటన్ సింగిల్స్, మిక్స్‌డ్ డబుల్స్ పోటీల్లో భారత ఆటగాళ్లు పైచేయి సాధించారు. మహిళల సింగిల్స్‌లో పూణెకు చెందిన అదితి, శ్రీలంకకు చెందిన సుబోధ్ కుమారిపై 21-14, 21-7 తేడాతో విజయం సాధించింది.
అదేవిధంగా పురుషుల సింగిల్స్‌లో మనదేశానికి చెందిన కస్యప్, జమైకా క్రీడాకారుడు ఫైనెను 21-5, 21-12 స్కోరు తేడాతో మట్టికరిపించాడు. ఇక మిక్స్‌డ్ డబుల్స్‌లో జ్వాలా, దిజుల జంట.. జమైకాకు చెందిన హెన్రీ గరేథ్ ఆండ్రే థియోడర్-క్రిస్టల్ కర్జోన్ జోడీని ఓడించారు. ఆద్యంతం మెరుగ్గా ఆడిన జ్వాలా-దిజుల జోడీ 21-13, 21-8 తేడాతో గెలుపును నమోదు చేసుకుని తదుపరి రౌండ్లోకి ప్రవేశించారు.
