చంద్రప్రభ వాహనంపై ఊరేగిన శ్రీవారు

శ్రీవారి సాలకట్ల బ్రహ్మోత్సవాలలో భాగంగా వేంకటేశ్వర స్వామి మంగళవారం రాత్రి చంద్రప్రభ వాహనంపై ఊరేగారు. వేలాది మంది భక్తులు నాలుగు మాడ వీధులలో స్వామి కోసం వేయికళ్ళతో ఎదురు చూస్తుండగా వారికి మలయప్ప దర్శనమిచ్చారు.  

రాత్రి 9 గంటల ప్రాంతంలో వాహనసేవ ప్రారంభమయ్యింది. ఈ సేవలో తిరుమల తిరుపతి దేవస్థానం పాలకమండలి అధ్యక్షుడు చదలవాడ కృష్ణమూర్తి,ఈవో తదితరులు పాల్గొన్నారు. విద్యుత్తు కాంతుల నడుమ అలంకారభూషితుడైన స్వామి తిరుమాడ వీధులలో ఊరేగారు. స్థానికులు కొందరు కర్పూర హారతులతో స్వామికి స్వాగతం పలికారు.