కనురెప్పల మీద వచ్చే చిన్న చిన్న కురుపులు రెప్పమీద బరువుగా ఇబ్బందిపెడతాయి. బ్యాక్టీరియా చేరడంవల్ల గాని, కనురెప్పలమీదున్న తైలగ్రంధి నాళం మూత పడటం వల్లగాని అలా కురుపు వేసినపుడు దానిమీద వేడి కాపడం పెట్టాలి. వేడి చేసిన గుడ్డను ఆ కురుపు మీద రోజులో నాలుగైదుసార్లు పెట్టాలి. ఒక చెంచా ధనియాలను ఒక కప్పు నీటిలో మరిగించి, చల్లార్చిన కషాయంతో కంటిని రోజులో నాలుగైదుసార్లు శుభ్రంగా కడుక్కోవాలి.
మరికొన్ని చిట్కాలు... 1. జామ ఆకును వేడిచేసి ఆ వేడి ఆకును గుడ్డలో వుంచి దానితో ఆ కురుపుకు కాపడం పెట్టాలి. 2. ఒక చెంచా ఉప్పును ఒక కప్పు నీటిలో వేసి ఆ నీరు అరకప్పు అయ్యేవరకు మరిగించి, చల్లార్చి, వడకట్టిన నీటిని కంటిలో రోజుకు మూడుసార్లు చుక్కలుగా వేసుకుంటే ఉపశమనం కలుగుతుంది. 3. లవంగం ఒకటి నీటిలో చిదిపి ఆ ముద్దను కంటి కురుపు మీద పెట్టుకోవాలి. 4. టీ బ్యాగ్‌ని వేడినీటిలో ముంచితీసి దానిని కంటి కురుపుమీద 8-10 నిమిషాలు వుంచాలి. ఇలా క్రమం తప్పకుండా తగ్గేవరకూ చేయాలి. 5. బంగాళాదుంప గుజ్జు చేసి గుడ్డమీద పరిచి ఆ ముద్దలోపల వున్న గుజ్జుతో కురుపు మీద తుడవాలి. 6. ఆముదం చేతివేలు మీద తీసుకుని ఆ కురుపు మీద పలుమార్లు రుద్దితే కురుపు తగ్గుతుంది.
