భూమిని పోలిన మరో గ్రహం.. ఆల్ఫా సెంచురీ నక్షత్ర మండలంలోని 20 గ్రహాల్లో నీరు!

భూమిని పోలిన మరో గ్రహం కోసం శాస్త్రవేత్తలు అన్వేషిస్తున్నారు. మనకు అతిదగ్గరగా కనిపించే ఆల్ఫా సెంచురీ నక్షత్ర మండలంలో భూమిని పోలిన గ్రహాలు ఉన్నట్లు కాలిఫోర్నియా వర్శిటీకి చెందిన సైంటిస్ట్ ఫిలిప్ లూబిన్ వెల్లడించారు. ఇప్పటివరకు కనిపెట్టిన 4వేల కొత్త గ్రహాల్లో సుమారు 20 గ్రహాల్లో నీరు ఉండవచ్చునని భావిస్తున్నట్లు తెలిపారు. 

అలాగే విశ్వంలో సూర్య‌కుటుంబం లాంటివి 100 బిలియ‌న్ వ‌ర‌కు ఉన్నాయ‌ని వెల్లడించారు. ఇందులో మనకు అతిద‌గ్గ‌ర‌గా క‌నిపించే ఆల్ఫా సెంచురీ న‌క్ష‌త్ర మండలంలో భూమిని పోలిన గ్ర‌హాలు ఉన్న‌ట్టు వెల్లడించారు. 

ఈ నక్షత్ర మండలంలోనే ప్రాక్జిమా సెంచురీ అనే నక్షత్రం చుట్టూ ప‌రిభ్ర‌మిస్తున్న‌ ఒక గ్ర‌హంపై స‌ముద్ర‌పు జాడ‌లు క‌నుగొన్నట్టు ఫిలిప్ వెల్ల‌డించారు. దీని నుంచి మ‌న భూమికి సుమారు 4.2 కాంతి సంవ‌త్స‌రాల కాలం ప‌డుతుంద‌న్నారు. ఈ విష‌యాన్ని జర్మ‌నీ వార్తాప‌త్రిక డెర్ స్పైజెల్ వెలువ‌రించింది.