అభిమానులను అదుపు చేయలేక పోలీసులు నానా తంటాలు పడుతున్నారు. సభా వేదిక వైపు దూసుకొచ్చేందుకు అభిమానులు ప్రయత్నిస్తుండటంతో వారిని అదుపు చేయడం భద్రతా సిబ్బందికి తల ప్రాణం తోకకు వస్తుంది. మెగాస్టార్ చిరంజీవి నిర్వహిస్తున్న తొలి రాజకీయ బహిరంగ సభకు రాష్ట్రం నలుమూలల నుంచే కాకుండా.. పొరుగు రాష్ట్రాల నుంచి సైతం లక్షలాది మంది తరలి వచ్చారు.
వీరిని అదుపు చేయడం పోలీసులతో పాటు నిర్వాహకులకు కష్ట సాధ్యమైంది. అభిమానులు ప్రశాతంగా ఉండాలని నిర్వాహకులు పలు మార్లు విజ్ఞప్తి చేస్తున్నారు. అయినప్పటికీ.. సభా ప్రాంగణం మందుకు అభిమానులు దూసుకొస్తున్నారు. ఇదిలావుండగా.. మెగా సభకు తరలి వచ్చిన జనవాహినిలో చిక్కుకున్న వికలాంగులను, వారికి ఏర్పాటు చేసిన ప్రత్యేక గ్యాలరీలోకి తరలించేందుకు వాలంటీర్లు సాయపడుతున్నారు.
