ఆదాయపన్ను శాఖ పంపించిన పన్ను నోటీసుతో ఓ చిరు వ్యాపారి బెంబేలెత్తిపోయాడు. ఈ చిరు వ్యాపారి ఆదాయం రోజుకు రూ.500 మాత్రమే. కానీ, రూ.37.5 లక్షల ఆదాయపన్ను చెల్లించాలని ఐటీ శాఖ నోటీసులు పంపించింది. దీంతో ఆ వ్యాపారి బెదిరిపోయాడు.
బిహార్ రాష్ట్రంలో వెలుగు చూసిన ఈ వివరాలను పరిశీలిస్తే, రోజుకు రూ.500 సంపాదిస్తున్న ఖగారియా జిల్లాలోని మఘౌనా గ్రామానికి చెందిన గిరీష్ యాదవ్‌కు ఆదాయపన్ను శాఖ నుంచి వచ్చిన నోటీసును చూసి భయంతో వణికిపోయాడు. దీంతో ఆయన సంబంధిత పోలీస్ స్టేషన్‌ను ఆశ్రయించారు.
గిరీష్ ఢిల్లీలో చిన్నపాటి ఉద్యోగాలు చేస్తున్నాడని, అక్కడ ఒకప్పుడు టౌట్ ద్వారా పాన్ కార్డు కోసం ప్రయత్నించారని చెప్పాడు. ఎక్కడో తప్పు జరిగడం వల్ల నోటీసు వచ్చిందని తెలిపారు. అంతేకాదు, రాజస్థాన్‌కు చెందిన ఓ కంపెనీతో గిరీష్‌కు సంబంధం ఉన్నట్లు నోటీసులో పేర్కొన్నారు. 'కానీ అతను ఎప్పుడూ ఆ స్థితికి రాలేదని వివరించారు.
