ఢిల్లీలో ఓ అబల ఓ కామపిశాచికి తగిన శాస్తి చేసింది. నాలుగేళ్ల పాటు ప్రేమపేరుతో చెట్టాపట్టాలేసుకుని తిరిగి... ముద్దూముచ్చట తీర్చుకున్న యువకుడు తీరా పెళ్ళి మాటెత్తగానే వివాహం వద్దన్నాడు. దీంతో ఆగ్రహించిన ఆ యువతి... ఇంటికి పిలిచి శృంగారంలో పాల్గొనాలని అతడిని ఒత్తిడి చేసింది. అందుకు నిరాకరించడంతో కూరగాయలు కోసే కత్తితో జననాంగాలను కోసేసింది. ఢిల్లీ శివారు ప్రాంతమైన మంగోల్‌పురిలో జరిగిన ఈ వివరాలను పరిశీలిస్తే...
ఈ ప్రాంతానికి చెందిన చిరు వ్యాపారి రవి (35), నాలుగేళ్లుగా ఓ అమ్మాయిని ప్రేమించాడు. ముద్దూముచ్చట తీర్చుకున్నాడు. సినిమాలు, షికార్లంటూ ఢిల్లీ పార్కులు, వీధుల్లో తిరిగాడు. అయితే, బుధవారం ప్రియురాలి ఇంటికి వెళ్లిన ప్రియుడి వద్ద మాటల మధ్యలో పెళ్లి గురించి ప్రస్తావన వచ్చింది.
పెళ్లికి తన కుటుంబ సభ్యులు అంగీకరించడం లేదని, తాను పెళ్లి చేసుకోలేనని తెగేసి చెప్పాడు. దీంతో ఆగ్రహం వ్యక్తం చేసిన ప్రియురాలు రవిని బాత్‌రూములోకి తీసుకెళ్లి తనతో శృంగారం చేయాల్సిందిగా డిమాండ్ చేసింది. అందుకు అతడు నిరాకరించడంతో కూరగాయలు తరిమే కత్తితో జననాంగాలను కోసేసింది.
ఆ సమయంలో యువతి సోదరుడు, వదిన ఇంట్లోనే ఉన్నారని బాధితుడు పోలీసులకు ఇచ్చిన ఫిర్యాదులో పేర్కొన్నాడు. వారు చూస్తూ ఉన్నారే తప్ప నిలువరించేందుకు ప్రయత్నించలేదని ఆరోపించాడు. ఘటన జరిగిన వెంటనే చుట్టుపక్కల వారు గమనించి అతడిని ఆస్పత్రికి తరలించి పోలీసులకు సమాచారం అందించారు. శస్త్రచికిత్స అనంతరం బాధితుడిని జైపూర్‌లోని గోల్డెన్ ఆస్పత్రికి తరలించారు.
