తమిళనాడు, కోయంబత్తూరులోని ఓ ప్రైవేట్ కాలేజీలో పనిచేసే ఓ మహిళను భర్తే హత్య చేశాడు. టిక్ టాక్‌లో తరచూ వీడియోలు పోస్టు చేయడం.. స్మార్ట్ ఫోన్‌లో అధిక సమయం గడపడంతో విసుగెత్తిన భర్త.. భార్యను కాలేజీలోనే కత్తితో పొడిచి చంపేశాడు. ఈ ఘటన స్థానికంగా కలకలం రేపింది.
వివరాల్లోకి వెళితే.. కోవై, కుళత్తుపాలయం ప్రాంతానికి చెందిన కనకరాజ్‌కు, నందిని దంపతులు ఇద్దరు సంతానం వున్నారు. నందిని ఓ ప్రైవేట్ ఇంజనీరింగ్ కాలేజీలో పనిచేస్తూ వచ్చేది. ఈ నేపథ్యంలో భార్యాభర్తల మధ్య ఏర్పడిన విబేధాల కారణంగా నందిని భర్తకు ఏడాది పాటు దూరం వుంటోంది. అమ్మగారింట పిల్లలతో పాటు వుంటున్న నందినిపై భర్త కక్ష్య పెంచుకున్నాడు.
దీనికితోడు నందిని భర్తను విడిపోయిన దిగులు లేకుండా అప్పుడప్పుడు టిక్ టాక్‌లో వీడియోలు పోస్టు చేయడం, గంటల పాటు స్మార్ట్‌ఫోనులో గడపటం చూసిన కనకరాజ్‌కు ఆగ్రహం మరింత ఎక్కువైంది. దీనిపై కనకరాజ్, నందినిల మధ్య గొడవలు కూడా జరిగాయి. శుక్రవారం కనకరాజ్ నందినికి ఫోన్ చేశాడు. కానీ ఆమె లైన్ కలవలేదు.
