ప్రధానమంత్రి నరేంద్ర మోడీ అధికారిక నివాసం రోడ్డు పేరు మారింది. ఇప్పటివరకు ఆయన నివాసం ఉండే రోడ్డు పేరు రేస్‌కోర్స్ రోడ్‌‌గా ఉండేది. ఇకపై... ఆ రోడ్డు పేరును రేస్‌కోర్స్ లోక్‌కల్యాణ్‌మార్గ్ రోడ్డుగా మార్చేశారు. 7 రేస్‌కోర్స్ భారతీయ సంస్కృతికి సరిపడేలా లేదని, అందుకే పేరు మార్చనున్నామని బీజేపీ నేత మీనాక్షీలేఖి తెలిపారు.
1940లో ఢిల్లీలో రేస్ క్లబ్‌కు గుర్తుగా రేస్ కోర్స్ రోడ్ అని ఈ రహదారికి నామకరణం చేశారు. 1984లో రాజీవ్ గాంధీ ఈ రోడ్డులోని 7వ నెంబర్ ఇంట్లో అధికారిక నివాసాన్ని ఏర్పాటు చేసుకోగా, ప్రస్తుత ప్రధాని నరేంద్ర మోడీ 5వ నెంబర్ ఇంటిని నివాసంగా, 7వ నెంబర్ ఇంటిని కార్యాలయంగా నిర్వహిస్తున్నారు.
