టాలీవుడ్ నట సింహం, తెదేపా నాయకుడు నందమూరి బాలకృష్ణ ఆస్తి రూ. 170 కోట్ల అని ఆయన చెప్పిన వివరాల ద్వారా తెలిసింది. బుధవారంనాడు హిందూపురంలో నామినేషన్ వేసిన సందర్భంగా బాలకృష్ణ తన ఆస్తి వివరాలను ఎన్నికల అఫిడవిట్లో పేర్కొన్నారు.
తనతోపాటు తన భార్య, తన ఇద్దరు కుమార్తెల పేరిట ఉన్న ఆస్తి మొత్తం కలిపి 170 కోట్ల రూపాయలుగా ఉన్నట్లు బాలకృష్ణ వెల్లడించారు. హిందూపురం టిక్కెట్ ఇచ్చినందుకు తెదేపా అధిష్టానానికి కృతజ్ఞతలు తెలియజేస్తున్నట్లు చెప్పారు.
అనంతపురం జిల్లాకు ఎన్టీఆర్ జిల్లాగా పేరు పెడతామంటూ ప్రకటించారు. ఇంకా బాలయ్య మాట్లాడుతూ... కాంగ్రెస్ పార్టీది అవినీతి వాదం, తెలుగుదేశం పార్టీది అభివృద్ధి వాదం, వైఎస్సార్ కాంగ్రెస్ పార్టీది అరాచక వాదమని శ్లోగన్ అందుకున్నారు. మరి ఇదే శ్లోగన్ తో ఎన్నికల ప్రచారం చేస్తారేమో చూడాలి.
