పుష్యమాసంలో సూర్యభగవానుడిని పూజిస్తే సకల సంపదలు చేకూరుతాయని పండితులు అంటున్నారు. సర్వదేవతామయుడు, సర్వ వేదమూర్తి అయిన సూర్యభగవానుడిని పుష్యమాసంలో ఆరాధించడం ద్వారా ఆరోగ్యాన్ని, ఐశ్వర్యాన్ని పొందవచ్చునని పురోహితులు చెబుతున్నారు.
ఈ మాసమంతా నియమంగా సూర్యుని ఆరాధిస్తూ.. "ఆదిత్య హృదయం" వంటివి పారాయణం చేయడం మంచిది. ప్రతి ఆదివారం ఉదయాన్నే లేచి శుచిగా స్నానం చేసి, క్షీరాన్నం (పాయసాన్నం) మాత్రం వండి సూర్యదేవునికి సమర్పించాలి.
ఆ రోజు తరిగిన కూరగాయలు, మాంసం వంటివి తినకూడదు. కత్తి తగలని పదార్థాలను మాత్రం ఆహారంగా తీసుకోవచ్చునని పండితులు అంటున్నారు. పుష్యమాసం పూర్తిగా ఆదిత్యునిని పూజించలేని వారు.. ప్రతి నిత్యం శుచిగా స్నానమాడి, సూర్యోదయం సమయాన భగవానుడిని నమస్కరించుకుంటే పుణ్యఫలం సిద్ధిస్తుందని విశ్వాసం.
