శ్రావణ మాసంలో శ్రావణ శుక్రవారానికి మహిమ ఎక్కువ. పంద్రాగస్టు, రాఖీ పౌర్ణమి అన్నీ వరుసబెట్టి రావడంతో ఈ పండుగ రోజున తీపి పదార్థాలు ఏం చేయాలని ఆలోచిస్తున్నారా? అయితే ఈ వంటకాలు ట్రై చేయండి. ముందుగా బాదం హల్వా ఎలా చేయాలో చూద్దాం..
యాలకుల పొడి : అర టీ స్పూన్
పాలు : ఒక కప్పు
తయారీ విధానం:
బాదం పప్పుల్ని వేడినీళ్లలో గంటపాటు నానబెట్టాలి. పావు కప్పు పాలల్లో కుంకుమపువ్వు వేసి ఉంచాలి. నానిన బాదంలో పొట్టు తీసి పక్కకు పెట్టుకోవాలి. నీళ్లు లేకుండా ఉండేలా చూసుకొని మిక్సీలో రుబ్బుకోవాలి. దీంట్లో కొద్దిగా పాలు పోసి గ్రైండ్ చేయాలి. ఒక గిన్నెలో చక్కెర కొద్దిగా నీళ్లు పోసి ఉడికించాలి. చక్కెర కరిగాక.. అందులో బాదం పప్పు పేస్ట్ని వేసి కలుపుతుండాలి.
కాస్త చిక్కబడ్డాక నెయ్యి కొద్దికొద్దిగా వేసి కలపాలి. ఆపై కొద్దిగా బాదం పలుకుల్ని, యాలకుల పొడిని వేసి కలపాలి. కుంకుమపువ్వు పాలు పోసి ఐదు నిమిషాలు సన్నని మంట మీద ఉంచి దించాలి. ఇప్పుడు ప్లేట్కి నెయ్యి రాసి ఈ మిశ్రమాన్ని పోయాలి. రుచికరమైన బాదం హల్వా రెడీ.