కోలీవుడ్ అందాల నటి కీర్తి సురేష్ తాజాగా తమిళ కమెడియన్ సతీష్‌ను వివాహం చేసుకుందని ఒక్కసారిగా కోలీవుడ్‌లో ప్రచారం మొదలైంది. ఇటీవలి కాలంలో సతీష్ కమెడియన్‌గా బాగా ఎదుగుతున్నాడు. పలు సినిమాల్లో కీలక పాత్రలు పోషిస్తున్నాడు. కీర్తితో పెళ్లటగా అని ఈ తమిళ నటుడి వద్ద ప్రస్తావిస్తే, పెద్దగా నవ్వేస్తూ, "అసలు కీర్తికి నాకు సంబంధమే లేదు.. మరి, ఈ వార్తని ఎవరు పుట్టించారో!" అంటున్నాడు. నేను శైల‌జ‌తో టాలీవుడ్‌లో అడుగుపెట్టి తాజాగా నాని, బ‌న్ని చిత్రాల‌తో ఫుల్ స్వింగ్‌లో ఉంది కీర్తి.
అలాంటిది ఈ స‌డెన్ మ్యారేజ్ ఏంట‌ని షాక్ అవుతున్నారు సినీ జ‌నాలు. దీనికి ఈ ఫోటోలే సాక్ష్య‌మంటున్నారు కొంద‌రు. కోలీవుడ్ వెబ్‌సైట్‌లు ఈ ఫోటోల‌ను బాగా ప్ర‌మోట్ చేసి.. సోష‌ల్ మీడియాలో హంగామా చేశాయి. ఈ విషయం కీర్తి సురేష్ దాకా వ‌చ్చింది. అంతే ఈ విషయం పట్ల ఆమె ఘాటుగా స్పందించింది. రీసెంట్‌గా విజ‌య్ సినిమా షూటింగ్ కోసం తీసిన ఫోటోల‌ను కొంద‌రు కావాల‌నే ఎడిటింగ్ చేసి ఈ ఇద్ద‌రికి పెళ్ల‌యింద‌ని ప్రచారం చేశారు. అయితే, ఆమె మెడలో దండ‌ల‌ను అంద‌రికీ వేశారు.
కానీ, ఫోటో ఎడిటింగ్‌లో వారు మిగ‌తావారిని డిలీట్ చేసి.. కేవ‌లం ఈ ఇద్ద‌రిని మాత్ర‌మే ఉంచారు. దీంతో, నిజంగానే కీర్తి సురేష్‌కి స‌తీష్‌కి మ్యారేజ్ అయిందని పుకార్లు పుట్టించారు. అదంతా అబ‌ద్ధం అని చివ‌రికి కీర్తి సురేష్ వివ‌ర‌ణ ఇవ్వ‌డంతో.. ఆ ప్ర‌చారానికి తెర‌ప‌డింది. కానీ, కొన్ని గంట‌ల‌పాటు సోష‌ల్ మీడియా ఈ ఫోటోల‌తో కలకలం రేగింది. కెరీర్ ఫుల్ స్వింగ్‌లో ఉన్న స‌మ‌యంలో కీర్తి సురేష్‌పై వ‌చ్చిన రూమ‌ర్‌లు బిగ్ షాకింగ్‌గా మారాయి.
