సీనియర్ నటుడు చలపతిరావు బాబాయ్ చేసిన కామెంట్స్‌పై సినీ నటి హేమ మరోమారు స్పందించారు. చ‌ల‌ప‌తి రావు బాబాయి అలా మాట్లాడితే అక్కడే ఉన్న సినీన‌టులు, మ‌హిళలు ఎందుకు మాట్లాడ‌లేదంటూ, అప్పుడే తిట్టకూడదా? అంటూ మీడియా ప్ర‌తిరోజూ ప‌దే ప‌దే ప్రశ్నిస్తోంద‌ని అన్నారు. అయితే, మరి ఆ స‌మ‌యంలో అక్కడే ఉన్న మీడియా ఎందుకు అప్పుడు ఆయ‌న‌ను ప్ర‌శ్నించ‌లేద‌ని హేమ నిలదీశారు. మీడియాకు బాధ్యత లేదా? అలా మాట్లాడితే ఆడియో ఫంక్ష‌న్ల‌కు రాబోమ‌ని మీడియా ఎప్పుడైనా ప్ర‌క‌టించిందా? అని అడిగారు.
ఎప్పుడైనా సినీ న‌టీమ‌ణుల వ‌ద్ద‌కు వ‌చ్చి వారి ఇబ్బందుల గురించి మీడియా అడిగిందా? అని హేమ ప్రశ్నించారు. సినీ న‌టీమ‌ణులు అంద‌రూ క‌లిసి ఓ అసోసియేష‌న్ పెట్టుకోండ‌ని స‌ల‌హాలు ఇచ్చారా? అని ప్రశ్నించారు. న్యూస్ ఛానెళ్ల‌లో ఓ నటి వ్య‌భిచారం చేస్తోంద‌ని ఓ సారి ప‌దే ప‌దే వేశార‌ని, అలా ప్ర‌సారం చేయ‌డం కూడా త‌ప్పు క‌దా? అని ఆమె అడిగారు. జబర్దస్త్ వంటి ప్రోగ్రాంలపై ప్రోగ్రాంలు నిర్వహించి విమర్శించే మీడియా మరి తాము చేస్తోన్న తప్పుపై ఏం సమాధానం చెబుతుందని ఆమె అన్నారు.
ఇటీవల జరిగిన ఓ సినీ కార్యక్రమంలో నటుడు చలపతిరావును మహిళా యాంకర్ అడిగిన ప్రశ్నకు సమాధానమిస్తూ.. అమ్మాయిలు హానికరం కాదుగానీ, అమ్మాయిలు పక్కలోకి పనికివస్తారంటూ చేసిన వ్యాఖ్యలపు పెను వివాదం సృష్టించిన విషయం తెల్సిందే.
