దిశా పటానీకి చేదు అనుభవం...ఆకతాయిలు ఆమె చేయి లాగి...

''లోఫర్'' హీరోయిన్ దిశా పటానీకి హైదరాబాద్‌లో చేదు అనుభవం ఎదురైంది. ఓ జ్యూవెలరీ దుకాణం ప్రారంభోత్సవానికి హైదరాబాద్‌కు వచ్చిన ఆమెకు ఊహించని పరిణామం ఎదురైంది. ప్రారంభోత్సవ కార్యక్రమానికి ఎలాంటి సెక్యూరిటీ లేకుండా వచ్చిన దిశాను చూసిన ఆమె అభిమానులు ఆనందంతో చుట్టుముట్టేశారు. అలాగే నగర వాసులు కూడా ఆమెను చుట్టుముట్టడంతో దిశా షాక్‌కు గురైంది.

 కారు నుంచి దిగి షోరూంలోకి వెళుతున్న దిశా చేతిని కొందరు ఆకతాయిలు లాగి దురుసుగా ప్రవర్తించారు. దీంతో.. ఆమె చేతికి చిన్న గాయం తగిలింది. అయితే ఆ గాయాన్ని పెద్దగా పట్టించుకోని దిశా.. తనని చూసేందుకు వచ్చిన అభిమానులకు అభివాదం చేస్తూ స్టోర్‌ లోపలకు వెళ్లిపోయారు.