పవన్ కల్యాణ్‌‌కు నితిన్ అభిమాని అనే విషయం తెలిసింది. పవన్-నితిన్‌కి మధ్య మంచి సాన్నిహిత్యం వుంది. నితిన్ సినిమాల్లో పవన్ ప్రస్తావన తప్పకుండా ఉంటుంది. అలాగే నితిన్ సినిమా ఫంక్షన్స్‌కి పవన్ తప్పకుండా హాజరవుతారనే విషయం తెలిసిందే. అలాంటి నితిన్‌తో పవన్ ఒక సినిమాను నిర్మిస్తున్నారు. ఈ సినిమాకు కథ, మాటలు త్రివిక్రమ్ అందిస్తున్నారు.
ఈ సినిమాలో ఒక కీలకమైన పాత్రను హాలీవుడ్ నటుడు డాన్ బిల్జరియాన్ పోషిస్తున్నాడు. పలు హాలీవుడ్ చిత్రాల్లో నటించిన అయన ఈ సినిమాలో నటిస్తుండటం తమకి ఎంతో ఆనందంగా ఉందంటూ, లొకేషన్‌కి సంబంధించిన ఒక ఫోటోను నితిన్ ట్విట్టర్లో పోస్ట్ చేశాడు. ఈ సినిమా క్లైమాక్స్ భారీ స్థాయిలో ఉంటుందని టాక్ వస్తోంది.
