అల్లు అర్జున్ ఈ పేరుకి ఇప్పుడు కొత్తగా పరిచయం అవసరం లేదు. "పుష్ప" ముందు వరకు తెలుగు ప్రేక్షకులలో వీపరీతమైన క్రేజ్ ఉన్న అల్లు అర్జున్, 'పుష్ప' సినిమాతో ప్రపంచవ్యాప్తంగా క్రేజ్‌ను సంపాదించాడు. తనదైనశైలితో 'పుష్ప రాజ్' ప్రపంచ వ్యాప్తంగా ఒక ఊపు ఊపాడు. బాక్సాఫిస్ వద్ద కలక్షన్స్ సునామి సృష్టించాడు. తాజాగా ఐకాన్ స్టార్, 'అర్జున్ రెడ్డి' దర్శకుడు సందీప్ రెడ్డి వంగతో సినిమాను చేయనున్నట్లు అధికారికంగా ప్రకటించారు.
సందీప్ రెడ్డి వంగ ఐకాన్ స్టార్ అల్లు అర్జున్‌తో సినిమాను చేయనున్నట్లు శుక్రవారం అధికారికంగా ప్రకటించారు. ఈ సినిమాను టీ సిరీస్ ప్రొడక్షన్స్, భద్రకాళి పిక్చర్స్ బ్యానర్స్‌పై భూషణ్ కుమార్, ప్రణయ్ రెడ్డి వంగ నిర్మించనున్నారు.
