చెన్నై బ్యూటీ త్రిష త్వరలో మోహినిగా రానుంది. త్వరలోనే మోహిని సినిమా తెలుగు, తమిళం భాషలలో విడుదల కానుంది. మరోవైపు ఓ మలయాళ మూవీ తమిళ రీమేక్ లో నటించే ఛాన్స్ కూడా త్రిషకు వచ్చింది. రెండేళ్ల క్రితం రోషన్ గోపన్ దర్శకత్వంలో మలయాళంలో వచ్చిన ‘100 డిగ్రీ సెల్సియస్’ మూవీ మంచి విజయాన్ని సాధించింది.
ఐదుగురు అమ్మాయిల చుట్టూ తిరిగే కథతో రూపొందిన ఈ చిత్రాన్ని మిత్రన్ జవహర్ తమిళంలో రీమేక్ చేయడానికి సన్నాహాలు చేస్తున్నాడు. ఇందులో ప్రధాన పాత్రకు త్రిషను తీసుకున్నట్టు కోలీవుడ్ సినీవర్గాల సమాచారం. అలాగే మరో హీరోయిన్‌గా రాయ్ లక్ష్మి ఎంపికైంది. ఇంకా ముగ్గురు హీరోయిన్ల ఎంపిక జరగాల్సివుంది.ఇతర నటీమణుల ఎంపిక పూర్తి కాగానే షూటింగ్‌కు సిద్ధం కానున్నట్లు కోలీవుడ్ సినీవర్గాల సమాచారం.
