కామంతో కళ్లు మూసుకుపోయిన ఓ కానిస్టేబుల్ కు తన ఎదుట ఉన్నది ఆరు నెలలో గర్భిణీ అనే మాటే గమనంలో లేదు. తన ఎదుట ఉన్నది తన కోరిక తీర్చే ఒక ఆట బొమ్మలాగే భావించాడు.. వద్దు.. వద్దు కడుపులో ఉన్న బిడ్డకు ప్రమాదమని కాళ్ళా వేళ్లా పడ్డా వినిపించుకోలేదు. రెండు గంటల పాటు ఆ గర్భిణీపై లైంగిక దాడికి పాల్పడ్డాడు. చివరకు సస్పెన్షన్ కు గురై పోలీసుల ఎదుట లొంగిపోయాడు. కృష్ణ జిల్లా ఏలూరు సమీపంలోని ఓ ప్రాంతంలో జరిగిన సంఘటన వివరాలిలా ఉన్నాయి.
పత్తేబాద ప్రాంతంలో ఓ మహిళ వ్యభిచార గృహం నిర్వహిస్తోందని మంగళవారం రాత్రి పోలీసులకు సమాచారం వచ్చింది. దీంతో పోలీసులు సోదాలు నిర్వహించారు. వ్యభిచార కేంద్రం నిర్వాహకురాలిని, మరో మహిళను, ఓ విటుడిని అదుపులోకి తీసుకుని పోలీస్ స్టేషన్‌కు తీసుకెళ్లారు. తనిఖీల సమయంలో వ్యభిచార కేంద్రం నిర్వాహకురాలికి వరుసకు కూతురైన 6 నెలల గర్భిణి ఆ ఇంట్లోనే వేరే గదిలో ఉంది.
సోదాలకు వెళ్లిన యాంటీ హ్యూమన్ ట్రాఫికింగ్ విభాగం కానిస్టేబుల్ గరికిముక్కుల రవికి ఆమెపై కన్ను పడింది. తన కోరిక తీర్చాలని ఆమెను కోరాడు. తాను గర్భిణిననే విషయం చెప్పింది. కడుపులో పెరుగుతున్న బిడ్డకు ప్రమాదం జరుగుతుందని, కాళ్లు పట్టుకుంటానని, తనను వదిలేయాలని వేడుకుంది. అయినా కసాయి కానిస్టేబుల్ కరుణించలేదు.
తనకు జరిగిన అన్యాయంపై పోలీసులకు చెప్పుకునేందుకు టూటౌన్ పోలీస్ స్టేషన్‌కు వెళ్లిన గర్భిణిని బెదిరింపులకు గురిచేశాడు. బాధితురాలి నుంచి ఫిర్యాదు తీసుకోకుండా టూటౌన్ పోలీసులు నిందితుడైన కానిస్టేబుల్‌ను కాపాడే ప్రయత్నం చేశారు. విషయం బయటకు పొక్కడంతో గర్భిణిపై లైంగిక దాడికి పాల్పడిన కానిస్టేబుల్ గరికిముక్కుల రవిపై సస్పెన్షన్ వేటు వేశారు. బుధవారం రాత్రి 10 గంటల సమ యంలో కానిస్టేబుల్ లొంగిపోయాడు.
