బంగాళాఖాతంలో కేంద్రీకృతమైవున్న అల్పపీడన ప్రభావం కారణంగా గురువారం ఆంధ్రప్రదేశ్, తెలంగాణ రాష్ట్రాల్లో కొన్ని ప్రాంతాల్లో విస్తారంగా వర్షాలు కురవనున్నాయి. ఈ అల్పపీడనం తమిళనాడు తీర ప్రాంతాలకు గురువారం చేరే అవకాశం ఉందని వాతావరణశాఖ తెలిపింది. దీనికి అనుబంధంగా 5.8 కిలోమీటర్ల ఎత్తు వరకూ గాలులతో ఉపరితల ఆవర్తనం ఉంది.
బుధవారం ఉదయం 8 నుంచి రాత్రి 8 గంటల వరకూ 63 ప్రాంతాల్లో ఓ మోస్తరు వర్షాలు కురిశాయి. అత్యధికంగా గోపాల్‌పేట(వనపర్తి జిల్లా)లో 3.3, కాటారం(జయశంకర్‌ భూపాలపల్లి)లో 2.2 సెంటీమీటర్ల వర్షం కురిసింది. ఉష్ణోగ్రత సాధారణం కన్నా 7 డిగ్రీల వరకూ పెరగడంతో చలి తీవ్రత తగ్గింది.
