అనంతపురం జిల్లా అభివృద్ధి కోసం కాళ్లు పట్టుకోవడానికి కూడా సిద్ధంగా ఉన్నట్టు సిట్టింగ్ ఎంపీ జేసీ దివాకర్ రెడ్డి అన్నారు. అదేసమయంలో ఆ పనులు అడ్డుకుంటే జుట్టు పట్టుకుని ఉతకడానికి కూడా సిధ్ధమేనని ప్రకటించారు. అనంతపురం అభివృద్ధి చర్యల్లో భాగంగా రోడ్డు విస్తరణ పనులు చేపట్టారు. ఈ పనులు ముందుకు సాగకుండా కొందరు అడ్డుకుంటున్నారు.
దీంతో అనంతపురం మున్సిపల్ కార్పొరేషన్ ముందు ఆయన ధర్నా చేపట్టారు. ఈ సందర్భంగా ఆయన మాట్లాడుతూ, అనంతపురం అభివృద్ధికి ఎమ్మెల్యే, కమిషనర్, మేయర్ అడ్డుపడుతున్నారని ఆరోపించారు. ఈ ముగ్గురూ కుమ్మక్కై రోడ్డు విస్తరణ పనులను అడ్డుకుంటున్నారని మండిపడ్డారు.
వీరిపై ముఖ్యమంత్రి చంద్రబాబుకు ఫిర్యాదు చేస్తానని అన్నారు. అనంతపురం అభివృద్ధి కోసం తాను ఎవరి కాళ్లయినా సరే పట్టుకునేందుకు సిద్ధంగా ఉన్నానని ఆయన చెప్పారు. 'అవసరమైతే చేతులు పట్టుకుంటా... లేదంటే కాళ్లు పట్టుకుంటా.. అదీకాకపోతే జుట్టు పట్టుకుని ఉతికైనా సరే అనంతపురాన్ని బాగుచేసుకునేందుకు సిద్ధంగా ఉన్న'ట్టు ప్రటించారు.
