వైఎస్ఆర్ సీపీ అధ్యక్షుడు, ప్రతిపక్ష నేత వైఎస్ జగన్ మోహన్ రెడ్డి ప్రత్యేక హోదా కోసం పోరాడుతుంటే చంద్రబాబు ప్రభుత్వం అడ్డుకోవడం దారుణమని వైఎస్ఆర్ సీపీ అధికార ప్రతినిధి జోగి రమేష్ విమర్శించారు. ప్రత్యేక హోదా కోసం వైఎస్ జగన్ పోరాడుతుంటే మంత్రులు ఇష్టం వచ్చినట్టు మాట్లాడుతున్నారని మండిపడ్డారు.
'టీడీపీ నేతలు ప్రత్యేక హోదా కోసం పోరాడటం లేదు.. మాట్లాడటం లేదు. పోరాడుతున్న వైఎస్ జగన్ పై తిట్టే కార్యక్రమం పెట్టుకున్నారు. ప్రజలు దీన్ని క్షమించరు. వైఎస్ జగన్ చేసిన తప్పేమిటి ప్రత్యేక హోదా కోసం పోరాడటం తప్పా చంద్రబాబు కేబినెట్‌ శాడిస్ట్ లతో నిండిపోయింది. చంద్రబాబు, ఆయన కొడుకు లోకేష్‌ అమ్ముడుపోయారు' అని జోగి రమేష్ విమర్శించారు.
దేవినేని ఉమకు దమ్ముంటే వైఎస్ జగన్, చంద్రబాబు మానసిక పరిస్థితిపై ఆస్పత్రిలో పరీక్షలు చేయిద్దామని సవాల్‌ విసిరారు. దేవినేని ఉమా కాదు దద్దమ్మ ఉమా అని, నియోజకవర్గానికి కూడా నీళ్లు ఇవ్వలేని చేతకాని వాడని ఎద్దేవా చేశారు. ప్రస్తుతం విశాఖపట్నంలో ఉన్న మంత్రులను విశాఖ మెంటల్ ఆస్పత్రికి పంపించేందుకు రెడీగా ఉన్నామని జోగి రమేష్ అన్నారు.
