రాజకీయ నేతల్లా కాకుండా, దత్తత తీసుకొని పైపై ప‌నులు చేసి వ‌దిలేయ‌కుండా మహేశ్ ఆ గ్రామాభివృద్ధిపై ఎంతో శ్ర‌ద్ధ‌పెడుతున్నారు. ఆయ‌న దృష్టి ప‌డిన త‌ర్వాత బుర్రిపాలెం అభివృద్ధిని సాధిస్తోంది. అక్కడ అనేక ప‌నులు కొన‌సాగుతున్నాయి. ఆ గ్రామంలో డ్రెయిన్లు, రోడ్లు బాగుప‌డ్డాయి అంటూ తాజాగా ట్వీట్ చేశాడు. ఈ అభివృ్ద్ధి పనుల కోసం మహేష్ బాబు 2.14 కోట్ల రూపాయలను ఖర్చు చేస్తున్న విషయం తెల్సిందే.
మ‌హేశ్‌బాబు తాజాగా ఆ గ్రామంలో జ‌రుగుతున్న అభివృద్ధి ప‌నుల‌పై తన ఫేస్‌బుక్ ఖాతా ద్వారా స్పందించారు. గుంటూరు ఎంపీ గల్లా జయదేవ్‌ నియోజకవర్గ అభివృద్ధి నిధులతో అక్కడ ప‌నులు శ‌ర‌వేగంగా జ‌రుగుతున్నాయ‌ని చెప్పారు. గ్రామంలో జ‌రిగిన స‌ద‌రు పనుల ఫొటోలను ఆయ‌న పోస్ట్‌ చేశారు. గల్లా జయదేవ్‌కు కృతజ్ఞతలు తెలుపుతున్న‌ట్లు పేర్కొన్నారు.
