మాజీ మంత్రి, వైఎస్సార్‌సీపీ నేత మేరుగు నాగార్జున, ఆయన పీఏ మురళీమోహన్‌రెడ్డిపై తాడేపల్లి పోలీసులు మోసం, లైంగిక వేధింపుల ఆరోపణలపై కేసు నమోదు చేశారు. ఐపీసీ సెక్షన్ 376, 420, 506 రీడ్ విత్ 34 కింద మేరుగు నాగార్జునను మొదటి నిందితుడిగా, అతని పీఏను రెండో నిందితుడిగా పోలీసులు నమోదు చేశారు.
డబ్బు తీసుకున్న తర్వాత మంత్రి తనను మోసం చేశారని, ఏదైనా ఫిర్యాదు చేయడానికి పోలీసులను ఆశ్రయిస్తే చంపేస్తానని అతని పిఎ బెదిరించాడని ఆమె తన ఫిర్యాదులో పేర్కొంది. మహిళ ఫిర్యాదు మేరకు తాడేపల్లి పోలీసులు మేరుగు నాగార్జునతో పాటు అతని పీఏ మురళీమోహన్‌రెడ్డిపై కేసు నమోదు చేసి సమగ్ర దర్యాప్తు జరుపుతామని తాడేపల్లి సర్కిల్ ఇన్‌స్పెక్టర్ (సీఐ) బత్తుల కళ్యాణ్ రాజు తెలిపారు.
కాగా, తాడేపల్లి పోలీస్‌స్టేషన్‌లో తనపై ఫిర్యాదు చేసిన మహిళతో తనకు ఎలాంటి సంబంధం లేదని, ఆరోపణలు నిరాధారమని మెరుగు నాగార్జున స్పష్టం చేశారు. ఈ వ్యవహారంపై సమగ్ర విచారణ జరిపేందుకు గుంటూరు ఎస్పీని స్వయంగా కలుస్తానని, తన ప్రతిష్టను దిగజార్చేందుకు చేసిన ఆరోపణల వెనుక కుట్రను బయటపెట్టేందుకు సిద్ధంగా వున్నానని నాగార్జున తెలిపారు.
