60 యేళ్ల తర్వాత తొలిసారి పంచాయతీ పోల్ జరుగిన గ్రామం ఒకటి ఆంధ్రప్రదేశ్ రాష్ట్రంలో ఉంది. దేశానికి స్వాతంత్ర్యం వచ్చి 75 యేళ్లు కావొస్తుంది. కానీ, ఇక్కడ 60 యేళ్ళుగా ఎన్నికలు జరుగలేదు. ఇపుడు ఆ పంచాయతీ ఎన్నిక జరిగింది.
లక్కసాగరం పంచాయతీ ఆవిర్భావం నుంచి ఎన్నికలు జరగలేదు. ఈ పంచాయతీ ఎవరికి రిజర్వు అయినా ఇప్పటివరకు గ్రామస్థులందరూ కలిసి ఏకగ్రీవం చేస్తూ వచ్చారు. గ్రామంలో 2,375 మంది ఓటర్లు ఉన్నారు. అయితే, ఈ ఏడాది ఫిబ్రవరిలో లక్ష్మీదేవి సర్పంచ్‌గా ఏకగ్రీవంగా ఎన్నికయ్యారు. ఇటీవల ఆమె మృతి చెందడంతో ఎన్నిక అనివార్యమైంది.
