ఏపీ రాష్ట్రంలో కొత్తగా ఎన్నికైన ఎమ్మెల్యేలకు రెండు రోజుల శిక్షణను బుధవారం ఏపీ స్పీకర్ తమ్మినేని సీతారాం ప్రారంభించారు. ఇందులో సీఎం జగన్ కూడా పాల్గొన్నారు. ఈ సందర్భంగా ఆయన మాట్లాడుతూ, ప్రతి ఒక్క ప్రజాప్రతినిధి రూల్స్ గురించి తెలుసుకోవాలన్నారు.
అంతకుముందు ఈ శిక్షణా తరగతులను ప్రారంభించిన స్పీకర్ తమ్మినేని సీతారాం మాట్లాడుతూ, శాసనసభలో చర్చలు అర్థవంతంగా జరిగితేనే ప్రజాస్వామ్యం మరింత బలపడుతుందన్నారు. శాసనసభలో ప్రజా ప్రతినిధుల ప్రవర్తనను ప్రజలు ఎప్పటికప్పుడు బేరీజు వేసుకొంటారని ఆయన అభిప్రాయపడ్డారు. మంచి శాసనసభ్యులుగా పేరు తెచ్చుకొనేందుకు సభ ఉపయోగపడుతోందని ఆయన చెప్పారు. కాగా, ఈ శిక్షణ తరగతులకు టీడీపీ సభ్యులు దూరంగా ఉన్నారు.
