ఆంధ్రప్రదేశ్ రాష్ట్ర ఉప ముఖ్యమంత్రుల్లో నారాయణ స్వామి ఒకరు. ఈయన పెళ్లి రోజు వేడుకలను ఇటీవల జరుపుకున్నారు. ఇందుకోసం గ్రాండ్ పార్టీ కూడా ఏర్పాటు చేశారు. ఇందులో డిప్యూటీ సీఎం భార్య బుల్లెట్ బండి పాటకు అదిరిపోయే స్టెప్పులు వేసి ఆహ్వానితులను ఆశ్చర్యపరిచింది. డుగ్గు డుగ్గు పాటకు ఆమె వేసిన స్టెప్పులతో కూడిన వీడియో ఒకటి వైరల్‌గా మారింది.
కాగా, ఈ పెళ్లి రోజు వేడుకలు చిత్తూరు జిల్లా తిరుపతిలోని ఆయన నివాసంలో జరిగాయి. ఈ వేడుకల్లో నారాయణస్వామి సతీమణి, కుమార్తె బుల్లెట్ బండి పాటకు కాలు కదిపారు. నారాయణ స్వామి సోఫాలో కూర్చొని ఉండగా.. ఆయన భార్య, కుమార్తె డాన్సువేశారు.
