రాష్ట్రంలో పేదరికాన్ని శాశ్వతంగా నిర్మూలించాలి. ఇందుకు ప్రభుత్వ పథకాలన్నీ పారదర్శకంగా వందశాతం లబ్దిదారులకు అందినప్పుడే పేదరికాన్ని తొలగించగలుగుతాం. ప్రభుత్వ అధికారులు చిత్తశుద్ధితో కృషి చేసినపుడే ఇదంతా సాధ్యమవుతుందని ఏపీ ముఖ్యమంత్రి చంద్రబాబునాయుడు అన్నారు. బుధవారం విజయవాడలో జరిగిన జిల్లా కలెక్లర్లతో సీఎం చిత్తూరు జిల్లా కలెక్టర్, జేసీ, ఉన్నతాధికారులతో వీడియో కాన్ఫరెన్స్ నిర్వహించారు.
మానవవనరులు ఉన్నాయన్న సీఎం, ఆర్థిక వనరులు సమకూర్చుకుంటున్నట్లు చెప్పారు. ఆధునిక సాంకేతికతను వినియోగిస్తున్నామని, కేవలం మన పనితీరును మెరుగు పర్చుకోవడం వల్ల రాష్ట్రాన్ని అభివృద్థి పథంలోకి తీసుకెళ్ళగలుగుతున్నామన్నారు. పరిశ్రమలు, వ్యవసాయం, ఉద్యానం, గృహ నిర్మాణాలలో రెండెంకల వృద్ధి సాధించగలిగినపుడు అనుకున్న అభివృద్ధి సాధ్యమవుతుందన్నారు.