అయితే గచ్చిబౌలి పోలిస్‌స్టేషన్‌లో షార్ట్‌ ఫిలిమ్‌ డైరెక్టర్‌ యోగిపై అభియోగాలు మోపి కేసు పెట్టిన హారిక డబుల్‌ గేం ఆడినట్లు యోగి ఆరోపించిన సంగతి తెలిసిందే. తాను వ్యక్తిగతంగా ఆనందంగా లేనంటూ యోగికి హారిక వాట్సప్‌ మెసేజ్‌ చేసింది. సంతోషంగా లేనప్పుడు విలువలతో ఎందుకు ఉండాలంటూ హారిక చేసిన వాట్సప్‌ మెసేజ్‌లను యోగి మీడియాకు సమర్పించారు.
అడిషనల్‌ డీసీపీ గంగిరెడ్డిపై వేటు పడటానికి కారణమైన వీడియో తీసింది హారికయే అని యోగి తెలిపారు. రొటీన్‌ లైఫ్ విసుగొస్తుంది, ఎవ్వరితోనైనా విదేశాలకు వెళ్లి ఎంజాయ్‌ చేయాలనిపిస్తుందని నాకు మెసేజ్‌ చేసిందని యోగి వెల్లడించారు. తమ మధ్య వాట్సాప్‌ చాటింగ్‌ వివరాలు యోగి మీడియాకు వెల్లడించారు. పోలీసు స్టేషన్‌ దృశ్యాలను రికార్డ్‌ చేసింది హారికేనని యోగి అన్నారు.
