కొల్లం గంగిరెడ్డి. ఈయన పేరు వింటనే ఠక్కున గుర్తుకు వచ్చేది ఎర్రచందనం అక్రమ రవాణా. ఈయన పైన పిడి యాక్టులు, కేసులు ఎన్నో ఉన్నాయి. అయితే కొన్నిరోజుల ముందే ఆయన బెయిల్ పైన బయటకు వచ్చారు.
అయితే అప్పటి నుంచి విపరీతంగా సెటిల్మెంట్లు ప్రారంభించారట. తిరుపతిలో తాజాగా కొల్లం గంగిరెడ్డి అనుచరులు బాగా రెచ్చిపోయారు. రేణిగుంట రోడ్డులోని బాలాజీ టింబర్ డిపోకు గంగిరెడ్డి అనుచరులు తాళాలు వేశారు.
మేము గంగిరెడ్డి అనుచరులం. ఇది మా స్థలం. బయటకు వెళ్ళిపో. ఈ డిపో మాది. అన్నతో వచ్చి మాట్లాడు. అంటూ కత్తులతో, కర్రలతో హల్చల్ చేశారు. డిపోకు తాళాలు వేశారు. అక్కడున్న వారిని భయబ్రాంతులకు గురిచేశారు. అయితే బాధితుడు రాము పోలీసులకు ఫిర్యాదు చేశారు.
అయితే పోలీసులు కేసు నమోదు చేయకపోవడంతో తీవ్ర ఆవేదనకు గురయ్యాడు. బయటకు చెబితే చంపేస్తానని బెదిరిస్తున్నారంటూ మీడియాను ఆశ్రయించాడు. తనకు న్యాయం చేయాలంటూ ప్రాధేయపడుతున్నాడు బాధితుడు.
