రాజధానిని విశాఖకు మార్చేందుకు ప్రభుత్వం విశాఖలో కరోనా ప్ర‌భావం పెద్ద‌గా లేద‌ని తప్పుడు ప్రచారం చేస్తోందని ప్రజలంతా భావిస్తున్నారని, అదే నిజమైతే భగవంతుడు క్షమించడంటూ టీడీపీ నేత, మాజీ మంత్రి అయ్యన్నపాత్రుడు శాపనార్థ‌లు పెట్టారు.
రోజు రోజుకు కరోనా కేసులు విశాఖ నగరంలో విపరీతంగా పెరుగుతున్నాయని ప్రజలకు తెలుస‌ని, కానీ ప్రభుత్వం, వైద్య సిబ్బంది విశాఖలో కేసులు లేవని తప్పుడు ప్రచారం చేస్తున్నది వాస్త‌వం కాదా? కొందరు ప్రభుత్వ ఉద్యోగులు కూడా ఇది నిజం అంటున్నారు.
కేంద్ర , రాష్ట్ర ప్రభుత్వాలు పేద ప్రజల గురించి ఆలోచించాలని, ప్రతి పేద కుటుంబానికి రూ. 5 వేల ఆర్థిక సాయం అందించాలని అయ్యన్నపాత్రుడు డిమాండ్ చేశారు. వైసీపీ నాయ‌కులు రాజ‌కీయ ప్రయోజనాలు చూడ‌టం సరికాదన్నారు.
