ఆయనకు సౌమ్యుడు, సమర్ధుడుగా పేరుంది. పైరవీ కారులను, రాజకీయ బ్రోకర్లను ఆయన ఆమడ దూరంలో పెడతారట. పేరుకే మంత్రి కానీ ఆయన ఒక అధికారి వలె నిర్ణయాలు తీసుకుంటారట. ఫైళ్ల పరిష్కారంలో కూడా ఎలాంటి ఒత్తిళ్లకు తలొగ్గరట. ఆయన ఇటీవలె ఎవరికీ తెలియకుండా అమరావతి రాజధాని పరిసర ప్రాంతాలలో ఒంటరిగా పర్యటించారట.
రాజధాని ప్రాంతంలో ఎలాంటి భవనాల నిర్మాణం జరగలేదు అని కొందరు మంత్రులు చేసిన విమర్శలు, ఆరోపణలు, కల్పితాలేనని, అవన్నీ రాజకీయ విమర్శలేనని, ఇంతవరకు అభివృద్ది బాగానే జరిగిందని మంత్రి తెలుసుకున్నారట. ముఖ్యమంత్రి ఆదేశాలతోనే ఆయన అమరావతి పరిసర ప్రాంతాలలో పర్యటించి ఉంటారని అధికార వర్గాల అభిప్రాయం.
రాజధానిపౖెె మున్సిపల్‌ మంత్రి బొత్స సత్యనారాయణ చేసిన విమర్శలు, ఆరోపణలలో నిజం లేదని, తన పరిదికి మించి బొత్స మాట్లాడారని జగన్‌కు అధికారులు, ఆర్దిమంత్రి చెప్పినట్లు తెలిసింది.. దీంతో ఆగ్రహం చెందిన జగన్‌ రాజధాని విషయంలో మంత్రులు ఎవరూ పెదవి విప్పద్దని ఆదేశించినట్టు తెలిసింది. ఈ సంఘటనలపై స్పందించేందుకు అధికారులలో కొందరు ముందుకు రావటం లేదు.
