జనసేన పార్టీ అధ్యక్షుడు, సినీ హీరో పవన్ కల్యాణ్‌పై వైకాపా నుంచి తెలుగుదేశం పార్టీలోకి వెళ్ళిన గిడ్డి ఈశ్వరి విమర్శలు గుప్పించారు. సినీ రంగంలో వరుస ఫ్లాప్‌ను చవిచూడటం వల్లే అక్కడ ఇక కెరీర్ లేదని భావించిన పవన్ రాజకీయాల్లోకి అడుగుపెట్టారంటూ వ్యాఖ్యానించారు.
ప్రజా పోరాట యాత్రలో టీడీపీ అధినేత చంద్రబాబుపై పవన్ కళ్యాణ్ విమర్శలు గుప్పిస్తున్నారు. ఈ విమర్శలపై గిడ్డి ఈశ్వరి స్పందిస్తూ, సినిమాలు హిట్ కాకపోవడం వల్లనే పవన్ కల్యాణ్ పర్యటనలు చేస్తున్నారంటూ ఎద్దేవాచేశారు.
పవన్ కల్యాణ్‌కు సినీరంగంలో అనుభవం ఉండవచ్చని, కానీ రాజకీయ రంగంలో పరిపక్వత లేదన్నారు. మన్యం అభివృద్ధి చంద్రబాబు పెట్టిన భిక్ష అని, ఏజెన్సీలో బాక్సైట్ తవ్వకాలు జరగడం లేదన్నారు.
