ఎపిఐఐసి ఛైర్ పర్సన్, నగరి ఎమ్మెల్యే రోజా సొంత నియోజకవర్గంలో జరిగే అభివృద్థి కార్యక్రమాల్లో చాలా బిజీగా ఉన్నారు. ఏదో ఒక అభివృద్థి కార్యక్రమంతో జనంలోకి వెళుతున్నారు రోజా. ప్రభుత్వ నిధులను పూర్తిస్థాయిలో ఖర్చు చేస్తూ నగరి నియోజకవర్గాన్ని అభివృద్థి పథంలోకి తీసుకెళుతున్నారు.
నగరిలోని సత్రవాడలో తాగునీటి సమ్మర్ స్టోరేజ్‌లో జలకళ హారతికి పూజలు చేశారు రోజా. సుమారు పది సంవత్సరాల తరువాత వరద నీటితో పూర్తిగా చెరువులు, కుంటలు నిండిపోవడంతో మొత్తం నిండుకుండలా మారింది. దీంతో నియోజకవర్గంలో తాగునీటి సమస్య కూడా తలెత్తే అవకాశం లేదని భావిస్తున్నారు అధికారులు.
