మాజీ ముఖ్యమంత్రి నాదెండ్ల భాస్కర రావు మరోసారి స్వర్గీయ ఎన్టీఆర్ పైన ఓ స్థాయిలో విమర్శనాస్త్రాలు సంధించారు. ఎన్టీఆర్ గురించి తను నిజాలు చెబితే ఆయన ముఖం పైన జనం థూ అని ఉమ్మేస్తారంటూ తీవ్ర వ్యాఖ్యలు చేశారు. తెలుగుదేశం అధికారంలో వచ్చాక ఆయన ఎమ్మెల్యేల మాటలను పక్కనబెట్టి అల్లుడు చెప్పిందే వేదంగా నమ్మేవారని చెప్పుకొచ్చారు. ఓ ప్రైవేట్ టెలివిజన్ ఛానల్ ముఖాముఖిలో ఆయన ఇలా వ్యాఖ్యానించారు.
ఆనాడు నేను ఎన్టీఆర్‌కు వెన్నుపోటు పొడిచానని అనుకోవడానికి కారణం మీడియానే. ఎమ్మెల్యేలంతా వచ్చి నన్ను సీఎం కావాలని కోరుకున్నారు. అంతేతప్ప నాకు కావాలని ఏనాడూ కోరుకోలేదు. అల్లుడు ఏదో చెప్పేవారు... పూనకంతో వచ్చిపడేవారు ఎన్టీఆర్. సినిమాల ముందు మనం ఎక్కడ నిలబడతాం. రూ. 2 కిలో బియ్యం ఆయనకేం తెలుసు. పెట్టింది నేనే అంటూ చెప్పారు.
