కృష్ణా నదిలోకి దూసుకెళ్లిన ఆర్టీసీ బస్సు.. ప్రయాణీకులకు ఏమైంది? (video)

RTC Bus

ఏపీలో ఆర్టీసీ బస్సు కృష్ణా నదిలోకి దూసుకెళ్లింది. ఈ ఘటనలో ప్రయాణీకులు సురక్షితంగా బయటపడ్డారు. బస్సులో ఉన్న 37 మంది ప్రయాణికులను కాపాడటం జరిగింది. వివరాల్లోకి వెళితే.. విజయవాడ, అవనిగడ్డ కరకట్టపైనుంచి అదుపు తప్పి ఓ ఆర్టీసీ బస్సు కృష్ణా నదిలోకి దూసుకెళ్లింది. 

సూపర్ లగ్జరీ బస్సు 37 మంది ప్రయాణీకులతో అవనిగడ్డ నుంచి విజయవాడ వెళుతుండగా ఐలూరు - ఐనపూరు మధ్య ఈ ఘటన జరిగింది. బస్పు పదిహేను అడుగుల మేర దిగువకు దుసుకెళ్లింది. నీటి స్థాయి తక్కువగా ఉండడంతో.. ప్రయాణికులు సురక్షితంగా బయటపడ్డారు. 

ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు. ప్రాథమిక విచారణలో రోడ్డు గతుకులమయంగా ఉండడంతో ప్రమాదం జరిగినట్లు పోలీసులు గుర్తించారు.

కృష్ణా నదిలోకి దూసుకెళ్లిన సూపర్ లగ్జరీ ఆర్టీసీ బస్సు

విజయవాడ-అవనిగడ్డ కరకట్టపై ఐలూరు-ఐనపూరు మధ్య జరిగిన ప్రమాదం

రోడ్డు ఎత్తుపల్లాలుగా ఉండటంతో అదుపుతప్పి 15 అడుగుల కిందికి వెళ్లిన బస్సు

బస్సులో ఉన్న 37 మంది ప్రయాణికులు సేఫ్#Vijayawada #RTCBus #Bigtv pic.twitter.com/6HC7XkCNpI

— BIG TV Breaking News (@bigtvtelugu) November 24, 2024