దక్షిణాది రాష్ట్రాల్లో గత కొన్ని రోజులుగా విస్తారంగా వర్షాలు కురుస్తున్నాయి. దీంతో కూరగాయల దిగుబడి బాగా తగ్గిపోయింది. ముఖ్యంగా, కుండపోత వర్షాలకు పంట సైతం నీటిలో మునిగిపోయింది. ఫలితంగా టమోటాల దిగుబడి పూర్తిగా లేకుండా పోయింది. దీనికితోడు వినియోగం, డిమాండ్ పెరగడంతో టమోటా ధర సెంచరీ కొట్టింది. ఆ తర్వాత ప్రభుత్వాల చొరవతో ఈ ధరలు దిగివచ్చాయి.
కాగా, మదనపల్లి వ్యవసాయ మార్కెట్ నుంచి తూర్పు, ఉత్తరాంధ్ర, తెలంగాణ, మహారాష్ట్ర, ఛత్తీస్‌గఢ్, గుజరాత్, మధ్యప్రదేశ్, వెస్ట్ బెంగాల్, ఒరిస్సా, తమిళనాడు కర్నాటక, పుదుచ్చేరి రాష్ట్రాలకు భారీగా ఎగుమతి చేస్తుంటారు. ఈ మార్కెట్‌లో నాణ్యమైన టమోటాలు రూ.6 నుంచి రూ.14 వరకు పలుకుంది. కానీ, వర్షాలకు దెబ్బకు ఇపుడు కేజీ టమోటాలు ఈ మార్కెట్‌లో రూ.50కు పైగా పలుకుతోంది. కానీ వినియోగదారుడు చెంతకు చేరే సమయానికి ఈ ధర సెంచరీ కొడుతోంది.
