బర్రెలక్కగా పాపులర్ అయిన కర్నె శరీష నాగర్ కర్నూల్ జిల్లా కొల్లాపూర్ నియోజకవర్గం నుంచి స్వతంత్ర అభ్యర్థిగా పోటీ చేసి ఓడిపోయారు. ఆమెకి కేవలం 5,754 ఓట్లు వచ్చాయి. మరోవైపు తెలంగాణలో పోటీ చేసిన జనసేన అభ్యర్థులకు కూడా దాదాపుగా అంతేస్థాయిలో ఓట్లు పడ్డాయి. దీనితో ఆమెను ఏకంగా పవన్ కల్యాణ్ పొలిటికల్ ఇమేజ్ తో పోలుస్తూ ప్రశ్నాస్త్రాలు సంధించారు. ఎన్నికల్లో ఓట్లు రాబట్టిన విషయంలో మిమ్మల్ని పవన్ కళ్యాణ్ గారితో పోలుస్తున్నారు కదా అని అడిగిన ప్రశ్నకు... చాలా సంతోషంగా వుంది. సర్ కూడా నాలాగే న్యాయం కోసం పోరాడుతున్నారు. అలాగే ఆయన డబ్బులు వెనకేసుకునే రకం కాదు. ప్రజలకు న్యాయం చేయాలని పోరాడుతున్నారు. ఓడిపోయామని బాధపడకూడదు. ఓటమి నుంచే కదా గెలుపు వస్తుంది అని చెప్పారు.
